प्रेस नोट
भंडारा
जिल्हा प्रशासन व नागरिकांनी श्री संत गाडगेबाबांचे आदर्श डोळ्यासमोर ठेवावे – डॉ. यशवंत लांजेवार
श्री संत गाडगे महाराज यांची ६९ वी पुण्यतिथी साजरी
विलास केजरकर भंडारा.
भंडारा:- गाडगेबाबांच्या स्वच्छता अभियानांतर्गत परिसरात स्वच्छता करण्यात आली. गाडगेबाबांची परंपरा संत विचार जनमानसात ठेवण्यासाठी महाराष्ट्रात श्री संत गाडगेबाबांची दशसुत्री विषयी मत व्यक्त केले. संत गाडगेबाबांच्या जीवन चरित्र्यावर मार्गदर्शन केले. बाबांनी केलेल्या त्यांच्या कार्याची ज्योत महाराष्ट्र प्रकाशात असून त्यांच्या संदेशाचे अनुकरण करणारे कार्यमग्न असतात. संत गाडगेबाबा दिवसाला हातात झाडू घेऊन गावातील स्वच्छता करायचे तसेच रात्री समाजाला लागलेली किड दुर करण्यासाठी समाज प्रबोधन करत होते. अंधश्रद्धेला खतपाणी घालणाऱ्यांचा कळकळून विरोध केला. देव देवळात नाही तर माणसात आहे. नवस फेडण्यासाठी मुके प्राणी, कोंबड्या, बकऱ्यांची बळी देऊ नका. तर भुखेलेल्या अन्न दया, तहानलेला पाणी दिल्यास माणसात देव दिसेल. तसेच त्यांच्या कार्याची दखल घेऊन शासनाने राज्यात स्वच्छता अभियान सुरू केले आहे. अमरावती विद्यापीठाला संत गाडगेबाबांचे नाव दिले आहे. म्हणून जिल्हा प्रशासन व नागरिकांनी श्री संत गाडगेबाबांचे आदर्श डोळ्यासमोर ठेवावे असे प्रतिपादन नंदगोपाल पर्यावरण फाउंडेशनचे संस्थापक डॉ. यशवंत लांजेवार यांनी केले.
ते छोटा बाजार येथील हनुमान मंदिरात महाराष्ट्र सकल धोबी समाज आरक्षण न्यायिक समिती जिल्हा भंडारा व समीर वर्ल्ड कॉम्प्युटर एज्युकेशन व श्री. हनुमान देवस्थान समिती भंडारा यांच्या संयुक्त विद्यमाने “गोपाला गोपाला देवकीनंदन गोपाला” च्या गजरात निष्काम कर्मयोगी श्री संत गाडगे महाराज यांच्या ६९ वी पुण्यतिथी कार्यक्रमात मार्गदर्शन करतांना बोलत होते.
कार्यक्रमाच्या अध्यक्षस्थानी नंदगोपाल पर्यावरण फाउंडेशनचे संस्थापक डॉ. यशवंत लांजेवार होते. प्रमुख पाहुणे म्हणून ग्रामीण युवा प्रागतिक मंडळाचे सचिव अविल बोरकर, खोकरला येथील पतंजलि योग समितीचे अध्यक्ष यशवंत बिरे, धोबी समाजाचे कार्यकर्ते शामराव भिलकर, विनोद केझरकर, शिक्षक रत्न पुरस्कार प्राप्त राहुल मेश्राम, समीर वर्ल्ड कॉम्प्युटर एज्युकेशनचे संस्थापक समीर नवाज, श्री. हनुमान देवस्थान समितीचे सदस्य प्रशांत श्रावणकर, महाराष्ट्र सकल धोबी समाज आरक्षण न्यायिक समितीचे जिल्हाध्यक्ष विलास केजरकर, मनिषा श्रावणकर इत्यादी मान्यवर उपस्थित होते.
त्यावेळी विलास केजरकर, सफाई कामगार रामेश्वरी शेंद्रे, लक्ष्मी केझरकर, विनोद केझरकर, वंदना मुंगाडे, सोनाली मेश्राम व उपस्थित मान्यवरांनी हातात झाडू घेऊन परिसरात साफसफाई केली. उपस्थित मान्यवरांच्या हस्ते निष्काम कर्मयोगी संत गाडगे महाराज यांच्या पुर्णाकृती स्मारकाला मार्ल्यापण अर्पण करून आदरांजली अर्पण करण्यात आली. मान्यवरांनी झाडे लावा, झाडे जगवा म्हणजे पर्यावरण वाचल तर माणूस जगेल हा मोलाचा संदेश देण्यात आला. गाडगेबाबांच्या दशसुत्री कार्यक्रमानुसार समाजकार्य करणे ही काळाची गरज आहे असे मत यशवंत बिरे यांनी व्यक्त केले.
त्यावेळी उपस्थित मान्यवरांनी निष्काम कर्मयोगी श्री संत गाडगे महाराज व भारतीय राज्यघटनेचे शिल्पकार डॉ. बाबासाहेब आंबेडकर यांच्या जीवनावर आधारित विविध मार्मिक उदहारण देऊन सविस्तर मार्गदर्शन केले.
कार्यक्रमाचे सूत्रसंचालन सामाजिक कार्यकर्ते विलास केजरकर यांनी केले. तर उपस्थितांचे आभार समीर वर्ल्ड कॉम्प्युटर एज्युकेशनचे संस्थापक समीर नवाज यांनी मानले.
कार्यक्रमाच्या यशस्वितेसाठी नितेश तिघरे, लक्ष्मी केझरकर, संजय कामबंरकर, प्रमोद मनगटे, चन्ने, संदीप चव्हाण, अंशुमन बागडे, सुरेश वाघाडे, छाया बागडे, मंशुल अन्नपूर्णे, चुडामन हेडावु, हीना मानापुरे, अशोक लांजेवार, आनंदी बोरकर, अरविंद ढोमणे, सोनू मनगटे, दुर्गेश हेडाऊ, सुवर्णा बोरकर, चुडामण हेडाऊ, रघुवीर गावळ, पारसनाथ पारधी, वनिता रोडे व परिसरातील नागरिकांनी सहकार्य केले.
RNI:- MPBIL/25/A1465
Devashish Tokekar
VANDE Bharat live tv news Nagpur
Editor/Reporter/Journalist
Indian Council of press,Nagpur
Journalist Cell
All India Media Association
Nagpur District President
Delhi Crime Press
AD.Associate /Reporter
Contact no.
9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur – 440015
